پاکستانی عوام کے لیے خوشخبری-حکومت نے آئی ایم ایف کا بڑامطالبہ مسترد کر دیا.

اسلام آباد(ڈیلی پاکستان آن لائن)پاکستان کی جانب سے ٹیکسوں میں اضافے کا آئی ایم ایف کا مطالبہ مسترد کر دیا گیا ہے۔مشکلات کے باوجود پہلے چار ماہ میں ٹیکس ریونیومیں اضافہ جبکہ ریونیو بڑھنے کی بڑی وجہ سیلز ٹیکس محصولات میں اضافہ ہے۔ تفصیلات کے مطابق وزارت خزانہ کا کہنا ہے کہ کورونا کی وجہ سے عوام پر مزیدبوجھ ڈالنا ممکن نہیں ہے اور اسی حوالے سے ٹیکسوں میں اضافے کا مطالبہ مسترد کردیا گیا ہے۔وزارت خزانہ حکام کا کہنا ہے کہ آئی ایم ایف ریونیو میں مزیداضافے کا مطالبہ کر رہا ہے تاہم موجودہ صورتحال کی پیش نظر پاکستان نے ٹیکسوں میں اضافے کا آئی ایم ایف کا مطالبہ مسترد کر دیا ہے۔ پاکستان میں سونےکی قیمت پھر بڑھ گئی دوسری جانب چیئرمین ایف بی آر نے بھی آئی ایم ایف کی جانب سے دباو کی تصدیق کر دی ہے۔اس ضمن میں چیئرمین ایف بیآر کا کہنا ہے کہ مشکلات کے باوجود پہلے چار ماہ میں ٹیکس ریونیو میں اضافہ ہوا ہے جبکہ ریونیو بڑھنے کی بڑی وجہ سیلز ٹیکس محصولات میں اضافہ ہے۔انہوں نے بتایا ہے کہ ٹیکس ریفنڈز کی ادائیگی سے کاروباری سرگرمیوں میں تیزی آئی اور کاروباری طبقے کو ریفنڈز ملنے سے کاروباری سرگرمیاں بحال ہوئیں ہیں